Fucina Futura: рэзідэнцыя для творцаў у Італіі
Fucina Futura — месячная мастацкая рэзідэнцыя ў Marostica, невялікім горадзе за гадзіну ад Венецыі. Праграма прапануе спакойны кантэкст для даследавання і працы ў цеснай сувязі з прыродай, мясцовай супольнасцю і культурнымі традыцыямі. Праграму вядуць візуальная мастачка Lavinia Xausa і куратарка Sofia Marcon з Futura Association.
Для каго: візуальныя мастакі(-чкі) і перформеры(-кі), якія легальна пражываюць у адной з краін Creative Europe, акрамя Італіі.
Падавацца могуць аўтары(-кі) розных дысцыплін, асабліва тыя, каму цікавыя:
- Даследаванне месца і супольнасці;
- Праца ў кантакце з прыродай;
- Сувязь з лакальным кантэкстам;
- Вялікія інсталяцыі або праекты, якім патрэбная прасторная майстэрня;
- Публічны дыялог і супольныя фарматы.
Рэзідэнцыя праходзіць у двух месцах:
- Доме, спраектаваным Elena Xausa — міжнародна вядомай ілюстратаркай, побач з гістарычным цэнтрам;
- Майстэрні Fucina Ai Gorghi мастака Daniele Marcon, якая падыходзіць для працы з вялікімі інсталяцыямі.
Цэнтральная частка праграмы — публічнае “вяртанне” выніку супольнасці. Гэта можа быць:
- Выстава;
- Перформанс;
- Варкшоп;
- Паказ;
- Размова;
- Нефармальная прэзентацыя або сустрэча.
Прапануецца:
- Пражыванне ў прасторным супольным доме;
- Доступ да майстэрні і працоўных прастор;
- Штодзённая падтрымка на жыццёвыя выдаткі;
- Пакрыццё дарожных выдаткаў.
Калі: 12 красавіка — 12 траўня 2027.
Праграма рэалізуецца пры падтрымцы Culture Moves Europe.