Title — BE
Конкурс на выданне навуковых манаграфій ад Scholars for Belarus і Skaryna Press

Subtitle — BE
Поўнае фінансаванне выдання 2–3 навуковых манаграфій у сферы сацыяльных і гуманітарных навук для беларускіх даследчыкаў(-ц).

Slug
konkurs-na-vydannie-navukovych-manahrafij-2026

Excerpt — BE
Scholars for Belarus by akno e.V. і выдавецтва Skaryna Press абвяшчаюць конкурс на поўнае фінансаванне выдання навуковых манаграфій. Праграма адкрытая для беларускіх даследчыкаў(-ц) незалежна ад краіны пражывання і грамадзянства. Асабліва заахвочваюцца маладыя навукоўцы(-цы), якія хочуць апублікаваць першую кнігу або доктарскую дысертацыю.

Content — BE

Для каго:
Беларускія даследчыкі(-цы) незалежна ад краіны пражывання і грамадзянства.

Конкурс адкрыты для аўтараў(-ак), якія працуюць у сферы сацыяльных і гуманітарных навук і маюць завершаны арыгінальны рукапіс манаграфіі на беларускай або англійскай мове.

Асабліва заахвочваюцца да ўдзелу маладыя навукоўцы(-цы), якія хацелі б апублікаваць першую кнігу або доктарскую дысертацыю.

Фармат:
Праект Scholars for Belarus by akno e.V. і выдавецтва Skaryna Press абвяшчаюць конкурс на поўнае фінансаванне выдання навуковых манаграфій.

Мэта конкурсу — падтрымаць выданне новых даследчых прац у сацыяльна-гуманітарных навуках, арыентаваных як на шырокую грамадскую, так і на акадэмічную аўдыторыю.

Будуць падтрыманыя 2–3 найлепшыя манаграфіі.

Прапануецца:
Арганізатары пакрыюць выдаткі на:

– Рэдагаванне;
– Карэктуру;
– Вёрстку;
– Друк абраных манаграфій.

Выданне будзе ажыццяўляцца выдавецтвам Skaryna Press.

Умовы:
– Аўтар(-ка) не атрымлівае ганарару і не нясе фінансавых абавязкаў;
– Пасля перадачы цалкам завершанага рукапісу выдавецтву аўтар(-ка) не ўдзельнічае ў выдавецкім працэсе, які бярэ на сябе выдавецтва;
– Падача заяўкі азначае згоду аўтара(-кі) з умовамі праграмы;
– Рашэнне пра падтрымку прымае рэдкалегія выдавецтва Skaryna Press незалежна ад Scholars for Belarus by akno e.V.;
– Арганізатары не прадастаўляюць падрабязнага абгрунтавання рашэння па кожнай заяўцы.

Для падачы патрэбны:
– CV — навуковае рэзюмэ са спісам публікацый;
– Анатацыя — кароткае апісанне манаграфіі да 1 старонкі: тэма, метадалогія, асноўныя вынікі;
– Абгрунтаванне актуальнасці — да 1 старонкі: чаму гэта даследаванне важна надрукаваць цяпер і хто яго мэтавая аўдыторыя;
– Поўны рукапіс — завершаны тэкст манаграфіі на беларускай або англійскай мове ў фармаце PDF.

Праца павінна быць арыгінальнай і не апублікаванай раней.

Важна:
Пры выяўленні плагіяту або іншых парушэнняў аўтарскага права арганізатары пакідаюць за сабой права адклікаць рашэнне аб падтрымцы.

Усе аўтары і аўтаркі працы павінны быць указаныя ў тэксце рукапісу.

Адбор:
Усе заяўкі разгледзіць рэдкалегія выдавецтва Skaryna Press.

Тэрміны:
– Дэдлайн падачы заявак: 30 ліпеня 2026 года;
– Абвяшчэнне вынікаў: 31 жніўня 2026 года.

Дэдлайн:
30 ліпеня 2026 года

Арганізатары:
Scholars for Belarus by akno e.V. і Skaryna Press

Кантакт:
[pm@scholarsforbelarus.org](mailto:pm@scholarsforbelarus.org)
https://scholarsforbelarus.org/projects/konkurs-na-vydanne-navukovyh-managrafij/