Для каго: мастакі і мастачкі, міждысцыплінарныя творцы, даследчыкі(-цы), куратары(-кі), архітэктары(-кі), дызайнеры(-кі) і тыя, хто працуе з мастацтвам, культурнай медыяцыяй, публічнай прасторай, экалогіяй, супольнасцямі, сацыяльнай справядлівасцю і новымі формамі ўзаемадзеяння з тэрыторыяй.

Калі: студзень - снежань 2027. Прысутнасць на месцы: мінімум 40% ад усяго перыяду рэзідэнцыі.

Фармат:

• Гадавая рэзідэнцыя ў адным з 4 кантэкстаў
• Праца з канкрэтнай тэрыторыяй, супольнасцю і мясцовай праблематыкай
• Развіццё мастацкага праекта, інтэрвенцыі або фармату культурнай медыяцыі
• Публічныя прэзентацыі на месцы
• Удзел у анлайн-сустрэчах на платформе Agora
• Фінальная прэзентацыя / выстава ў межах праекта
• Унёсак у SIT-PLU Atlas: аб’екты, гісторыі, мапа, тэкставыя і візуальныя матэрыялы.

Рэзідэнцыі / кантэксты:

• Baltan Laboratories | Нідэрланды: праца з Wondermash у дэльце Мааса. Фокус — будучыні сельскіх тэрыторый, гісторыі зямлі, ракі, супольнасцей і нечалавечых істот.
• Lungomare | Балцана, Італія: праца з рачнымі ландшафтамі ў межах праекта FLUX. Фокус — экалагічныя, культурныя і сацыяльныя вымярэнні рэк, вада як прастора сувязі, навучання і аднаўлення прыродных працэсаў.
• Idensitat | Барселона, Іспанія: праца з тэмай «зонаў ахвяравання» ў раёнах каля вусця ракі Besòs: Trinitat Vella, Bon Pastor, Baró de Viver, La Sagrera, Sant Andreu. Фокус — гарадскія ўскраіны, рака, водная інфраструктура і супольнасці.
• ZEMOS98 | Галісія, Іспанія: Сommoning Energy — рэзідэнцыя пра лакальныя і справядлівыя мадэлі энергетычнага пераходу, супольныя землі, калектыўнае кіраванне тэрыторыямі і экалагічную ўстойлівасць.

Прапануецца:

• Ганарар 13 500 EUR (дарога не ўваходзіць у ганарар)
• Вытворчы бюджэт — залежыць ад канкрэтнай рэзідэнцыі
• Падтрымка ад прымаючай арганізацыі
• Уключэнне ў міжнародную сетку SIT-PLU.

Падача ў 2 этапы. Для тых, хто пройдуць у 2-ю фазу: 500 EUR за распрацоўку больш дэталёвай прапановы.