Title — BE
The Polyphonic Pulcinella — міжнародная тэатральная рэзідэнцыя | Італія

Subtitle — BE
28-дзённая рэзідэнцыя ў Неапалі для творцаў у сферы тэатра, фізічнага тэатра, пантамімы і танцавальнага тэатра.

Slug
polyphonic-pulcinella-theatre-residency-naples-2027

Excerpt — BE
Teatro dell’Osso ETS запрашае 5 творцаў і культурных прафесіяналаў(-ак) на міжнародную рэзідэнцыю The Polyphonic Pulcinella ў Неапалі. Удзельнікі(-цы) будуць даследаваць еўрапейскія традыцыі масак і разам створаць шматмоўны спектакль. Прапануюцца пражыванне, сутачныя 30 EUR, дарожная падтрымка да 800 EUR і ментарскае суправаджэнне.

Content — BE

Для каго:
Мастакі(-чкі) і культурныя прафесіяналы(-кі) ад 18 гадоў, якія не менш за 3 гады працуюць у сферы тэатра, фізічнага або танцавальнага тэатра, пантамімы і сумежных выканальніцкіх практык.

Асабліва вітаюцца кандыдаты(-кі), якія цікавяцца камедыяй дэль артэ, маскамі, Пульчынэлам і падобнымі еўрапейскімі персанажамі-трыкстарамі: Punch, Kasperl, Polichinelle або Petrushka.

Карысным будзе досвед працы з Grammelot, фізічнай і рытмічнай імправізацыяй або тэатральнай антрапалогіяй.

Падавацца могуць легальныя рэзідэнты(-кі) краін праграмы Creative Europe, акрамя Італіі.

Фармат:
The Polyphonic Pulcinella — міжнародная калектыўная рэзідэнцыя, прысвечаная Пульчынэле як агульнаму кораню еўрапейскіх тэатральных традыцый.

Удзельнікі(-цы) будуць даследаваць сувязі паміж неапалітанскім Пульчынэлам і іншымі героямі народнага тэатра, а пасля разам створаць сучасны шматмоўны спектакль.

У праграме:

– Майстар-класы па камедыі дэль артэ;
– Праца з маскамі, Grammelot і фізічным тэатрам;
– Даследаванне гістарычных мясцін Неапаля;
– Калектыўная драматургія паводле метаду canovaccio;
– Інтэнсіўныя рэпетыцыі і штодзённыя ментарскія сесіі;
– Адкрытыя рэпетыцыі і фінальны публічны спектакль.

Праграма прадугледжвае каля 7 гадзін працы на дзень з панядзелка па суботу. Рабочая мова — англійская, шматмоўнасць у спектаклі вітаецца.

Ментар:
Antonio Rao Gargiulo — спецыяліст у сферы камедыі дэль артэ і пантамімы, стваральнік міжнароднага фестывалю ComèDì.

Калі і дзе:
1–28 красавіка 2027 года

Удзел ва ўсіх 28 днях абавязковы.

Месца: TRAM Theatre, Неапаль, Італія.

Прапануецца:
– Ментарская і мастацкая праграма;
– Пражыванне непадалёк ад тэатра з агульнай кухняй;
– Доступ да сцэны, рэпетыцыйных памяшканняў, тэхнічнага абсталявання і вытворчых рэсурсаў;
– Лагістычная і адміністрацыйная падтрымка;
– Сутачныя 30 EUR у дзень, агулам да 840 EUR;
– Дарожная падтрымка 400 або 800 EUR у залежнасці ад адлегласці;
– Магчымая дадатковая падтрымка на экалагічны транспарт, візу або ўдзел з сям’ёй;
– Фінальны публічны паказ у Teatro TRAM.

Удзел бясплатны. Пражыванне прыстасаванае для людзей з інваліднасцю. Вітаюцца заяўкі ад творцаў, якія сутыкаюцца з перашкодамі для міжнароднай мабільнасці.

Патрабаванні:
Кандыдат(-ка) павінен(-на):

– Быць не маладзейшым(-ай) за 18 гадоў;
– Легальна пражываць у краіне Creative Europe, акрамя Італіі;
– Мець не менш за 3 гады досведу ў выканальніцкіх мастацтвах;
– Быць даступным(-ай) на працягу ўсёй рэзідэнцыі;
– Валодаць англійскай мовай для супольнай працы.

Адбор:
Заяўкі ацэніць камісія з ментарa праекта, мастацкага дырэктара і знешняга(-яй) эксперта(-кі).

Будуць улічвацца:

– Мастацкая якасць папярэдніх прац;
– Навыкі ў руху і перформансе;
– Сувязь практыкі з маскамі, фізічным тэатрам або традыцыямі трыкстара;
– Матывацыя да ўдзелу ў калектыўным працэсе;
– Унёсак у гендарную, геаграфічную і мастацкую разнастайнасць групы.

Спачатку 10–12 кандыдатаў(-ак) запросяць на анлайн-інтэрв’ю.

Тэрміны:
– Дэдлайн: 30 чэрвеня 2026 года;
– Рэзідэнцыя: 1–28 красавіка 2027 года.

Дэдлайн:
30 чэрвеня 2026 года

Арганізатар:
Teatro dell’Osso ETS

Пляцоўка:
Teatro TRAM

Падтрымка:
Culture Moves Europe, Creative Europe і Еўрапейскі Саюз. Праграма рэалізуецца Goethe-Institut.

https://www.teatrotram.it/the-polyphonic-pulcinella/