Title — BE
Aerowaves Twenty — конкурс кароткіх харэаграфічных прац

Subtitle — BE
Міжнародны адбор для харэографаў(-ак) і танцавальных кампаній, якія працуюць у Еўропе і хочуць прадставіць завершаную кароткую працу сетцы фестываляў і арганізацый Aerowaves.

Slug
aerowaves-twenty-open-call-2026

Excerpt — BE
Aerowaves прымае завершаныя харэаграфічныя працы працягласцю 15–40 хвілін, створаныя і ўжо паказаныя ў Еўропе. Адабраныя мастакі(-чкі) атрымаюць міжнародную бачнасць і магчымасці паказаў у межах сеткі.

Content — BE

Для каго:
Харэографы(-кі) і танцавальныя кампаніі, якія жывуць у геаграфічнай Еўропе. Гэта могуць быць і краіны, якія не ўваходзяць у Еўрапейскі саюз, напрыклад Вялікабрытанія, Швейцарыя або Турцыя.

Нельга падавацца тым, хто цяпер праходзіць прафесійнае навучанне ў сферы танца, напрыклад на праграмах бакалаўрыяту або магістратуры. Працы, створаныя падчас навучання, могуць быць пададзеныя толькі пасля яго завяршэння і наступнага прафесійнага паказу працы.

Фармат:
Aerowaves — еўрапейская платформа для развіцця і міжнароднай прэзентацыі кароткіх харэаграфічных прац.

Штогод партнёры сеткі выбіраюць Aerowaves Twenty — 20 прац, якія атрымліваюць міжнароднае прасоўванне і магчымасць быць прадстаўленымі на фестывалі Spring Forward і ў праграме партнёраў Aerowaves.

Нават калі праца не трапіць у Aerowaves Twenty, яе могуць заўважыць і запраграмаваць партнёры сеткі. Штогод у межах Aerowaves падтрымліваецца каля 100 магчымасцей для паказаў.

Якія працы можна падаваць:
– толькі адну працу ад аднаго(-ой) заяўніка(-цы) на год;
– завершаную харэаграфічную працу працягласцю 15–40 хвілін;
– працу, створаную ў геаграфічнай Еўропе;
– працу, якая ўжо была публічна паказаная;
– працу з нескладанымі тэхнічнымі патрабаваннямі, прыдатную для паказу ў праграме з некалькімі пастаноўкамі;
– працы для публічнай прасторы, нестандартных пляцовак і адкрытага паветра таксама прымаюцца.

Нельга паўторна падаваць працу, якая ўжо падавалася ў Aerowaves у папярэднія гады, незалежна ад выніку адбору.

У сувязі з расійскім уварваннем ва Украіну партнёры Aerowaves цяпер не прымаюць заяўкі з працамі, створанымі ў Расіі або Беларусі.

Крытэрыі адбору:
Партнёры Aerowaves шукаюць працы, якія:

– грунтуюцца на моцнай ідэі;
– развіваюць яе праз арыгінальную харэаграфію;
– маюць выразную і пераканаўчую структуру;
– выконваюцца дакладна і ўпэўнена;
– добра працуюць ва ўмовах абмежаванай тэхнічнай інфраструктуры;
– могуць дапамагчы кампаніі або харэографу(-цы), якія яшчэ не мелі шырокага міжнароднага гастрольнага досведу, развіць сваю практыку далей.

Прапануецца:
– магчымасць быць адабраным(-ай) у лік Aerowaves Twenty;
– прасоўванне працы на сайце Aerowaves цягам года: профіль мастака(-чкі), выявы, відэа і прэс-матэрыялы;
– магчымасць паказу працы на фестывалі Spring Forward;
– магчымасці паказаў праз міжнародную сетку партнёраў Aerowaves;
– для паказу на Spring Forward — ганарар, пакрыццё дарогі, гатэля і сутачных / гасціннасці для ўдзельнікаў(-ц) каманды.

Калі паказ прапануе партнёр Aerowaves, умовы супрацоўніцтва трэба ўзгадняць непасрэдна з ім.

Важна пра відэа:
Для заяўкі патрэбны відэазапіс поўнага публічнага паказу падаванай працы ад пачатку да канца.

Не прымаюцца:

– рэкламныя відэа;
– відэа іншай працы;
– танцавальныя фільмы.

Відэа трэба размясціць на Vimeo або YouTube. Файл павінен быць да 2 GB. Для Vimeo трэба дазволіць спампоўванне файла; для YouTube або пры адсутнасці магчымасці спампоўвання праз Vimeo копію файла трэба асобна даслаць Aerowaves.

Таксама трэба падрыхтаваць на англійскай мове:

– апісанне працы — да 100 слоў;
– біяграфію — да 100 слоў;
– поўны спіс удзельнікаў(-ц) і аўтараў(-ак) працы.

Тэрміны:
– прыём заявак: да 15 ліпеня 2026, 17:00 CEST;
– разгляд заявак: да канца кастрычніка 2026;
– паведамленне адабраным удзельнікам(-цам): да сярэдзіны лістапада 2026.

Дэдлайн:
15 ліпеня 2026, 17:00 CEST

Арганізатар:
Aerowaves Europe

Кантакт:
[info@aerowaves.org](mailto:info@aerowaves.org)
https://aerowaves.org/artists/how-to-apply/