Для каго: прафесійныя мастакі(-чкі) і калектывы, якія працуюць з лічбавымі медыя і тэхналогіямі: відэа, гукам, камп’ютарамі, інтэрнэтам, праграмным забеспячэннем або іншымі медыяфарматамі.

Падавацца могуць людзі, якія жывуць больш чым за 1 500 км ад Шопінгена ў Германіі і не могуць падарожнічаць з прычыны інваліднасці, хранічнага захворвання, абмежаванай мабільнасці, абавязкаў па доглядзе, візавых абмежаванняў або залежнасці ад лакальных сетак падтрымкі.

Асабліва вітаюцца заяўкі ад мастакоў(-чак) з інваліднасцю, хранічнымі захворваннямі, нейраадрознасцямі і тых, хто сутыкаецца з некалькімі формамі маргіналізацыі.

Фокус праграмы:

• Даступнасць і ўдзел у лічбавым асяроддзі;
• Медыямастацтва як спосаб крытыкі ўладных сістэм;
• Антыэйблісцкія, посткаланіяльныя і інтэрсекцыйныя падыходы;
• Гнуткія фарматы працы і ўдзелу;
• Лічбавыя прасторы, якія пашыраюць, а не стандартызуюць доступ да культуры.

Калі: жнівень — кастрычнік 2026. Працягласць: 12 тыдняў.

Фінальная публічная падзея: лістапад 2026.

У праграме:

• Самастойная праца над медыямастацкім праектам;
• Рэгулярныя анлайн-сустрэчы з камандай падтрымкі;
• Праца ў тандэме з маста(ч)камі kaethe:k Kunsthaus;
• Удзел у калоквіумах kaethe:k і Künstler*dorf Schöppingen;
• Ментарская падтрымка;
• Дакументацыя і архіваванне працэсу.

Прапануецца:

• Ганарар 2 500 EUR на рэзідэнцыю;
• Бюджэт на матэрыялы 500 EUR;
• Дадатковая падтрымка патрэб даступнасці;
• Суправаджэнне каманды Künstler*dorf Schöppingen і kaethe:k Kunsthaus;
• Куратарская падтрымка ад Paulina Seyfried;
• Ментарская падтрымка ў сферы лічбавай культуры ад Agustina Andreoletti;
• Далучэнне да сеткі выпускнікоў(-ц) Künstler*dorf;
• Сувязі з арганізацыямі медыямастацтва ў Паўночным Рэйне-Вестфаліі;
• Прадстаўленне працы на адкрытай лічбавай платформе, якая застанецца даступнай пасля завяршэння рэзідэнцыі.