Даследчая мастацкая рэзідэнцыя Zu Gast 2026 ад Urbane Künste Ruhr
Рэзідэнцыя для творцаў, чыя практыка ўключае мастацкае даследаванне і працу з архівамі. Праграма праходзіць у Haus der Geschichte des Ruhrgebiets у Бохуме і прысвечана сучаснаму асэнсаванню рэгіёна Рур. Пасуе для практык з тэкстам, мовай, відэа, фільмам або перформансам.
Калі: 1 верасня - 30 лістапада 2026.
Падчас рэзідэнцыі ўдзельнікі/-цы распрацоўваюць даследчы праект у супрацоўніцтве з куратарскай камандай. Лепшыя праекты могуць стаць часткай публічнай праграмы ў Дуйсбургу ў 2027.
Прапануецца:
- Куратарская падтрымка і праца з камандай Urbane Künste Ruhr
- Ганарар 5000 EUR (брута)
- Працоўнае месца ў Haus der Geschichte des Ruhrgebiets
- Доступ да бібліятэкі і архіваў Рура
- Пакрыццё дарогі
- Пражыванне ў Бохуме
- Кампенсацыя транспарту для даследаванняў.