Праграма прысвечаная мабільным і site-specific формам мастацкіх рэзідэнцый, асабліва тым, што працуюць з транспартнай інфраструктурай, публічнай прасторай і нестандартнымі або маргінальнымі кантэкстамі.

У цэнтры ўвагі — пытанне, як цягнікі, станцыі, транзітныя сістэмы, караблі і іншыя мабільныя прасторы могуць станавіцца месцамі мастацкага даследавання, міждысцыплінарнага супрацоўніцтва і сацыяльнага ўзаемадзеяння.

Для каго: мастакі(-чкі), даследчыкі(-цы), куратары(-кі), пісьменнікі(-цы), гісторыкі(-ні), культурныя практыкі, прадстаўнікі(-цы) мастацкіх інстытуцый і ўсе, хто працуе з рэзідэнцыямі, публічнай прасторай, мабільнасцю, устойлівасцю, міждысцыплінарнымі практыкамі і сацыяльным узаемадзеяннем.

Прапануецца:

• Доступ да выставы Digital Tiny Spaces;
• Супольныя абеды, напоі і закускі падчас праграмы.

Арганізатары раяць загадзя браніраваць дарогу і жыллё, бо ў 2026 годзе Оўлу з’яўляецца Еўрапейскай сталіцай культуры і ў горадзе чакаецца шмат наведвальнікаў(-ніц).