Title — BE
Emergence Art+Science Fellowships — грант на новыя мастацкія праекты | Нідэрланды

Subtitle — BE
Open call для мастакоў(-чак), творцаў і калектываў, якія хочуць стварыць новую працу на скрыжаванні мастацтва і навукі для Emergence Festival 2027 у Амстэрдаме.

Slug
emergence-art-science-fellowships-2026

Excerpt — BE
Emergence at All Scales, The Science & Cocktails Foundation і Stichting Paradiso запрашаюць мастакоў(-чак), творцаў і калектывы прапанаваць новыя праекты на тэму emergence — з’яўлення складаных структур, паводзін і форм з простых узаемадзеянняў. Адабраныя праекты атрымаюць вытворчы бюджэт да 20 000 EUR і будуць прадстаўленыя на Emergence Festival у чэрвені 2027 года ў Амстэрдаме.

Content — BE

Для каго:
Мастакі(-чкі), творцы, мэйкеры(-кі), перформеры(-кі), музыкі(-і), даследчыкі(-цы) і калектывы, якія працуюць на скрыжаванні мастацтва, навукі, тэхналогій і публічнага досведу.

Праграма адкрытая для розных фарматаў:

– Візуальнае мастацтва;
– Лічбавае мастацтва;
– Фільм, відэа і дакументальныя праекты;
– Інсталяцыі, выставы і скульптура;
– Перформанс, тэатр і танец;
– Музыка і саўнд-арт;
– Гібрыдныя і міждысцыплінарныя формы.

Фармат:
Emergence Art+Science Fellowships — open call на стварэнне новых мастацкіх прац для Emergence Festival 2027.

Праграма арганізаваная даследчым кансорцыумам Emergence at All Scales / EAAS разам з The Science & Cocktails Foundation, Stichting Paradiso і NWA Route Kunst.

EAAS аб’ядноўвае даследчыкаў(-ц) з матэматыкі, фізікі, астраноміі, хіміі і сумежных сфер. Яны даследуюць emergence — тое, як з простых элементаў, лакальных узаемадзеянняў або мікраскапічных правілаў узнікаюць складаныя структуры, матэрыялы, паводзіны, формы калектыўнага жыцця, а таксама прастора і час.

Што можна падаваць:
Праекты, якія звязаныя з тэмай emergence і могуць зрабіць складаныя навуковыя ідэі больш зразумелымі і адчувальнымі для шырокай аўдыторыі.

Прапанова можа працаваць з:

– Канкрэтным даследчым праектам EAAS;
– Некалькімі даследчымі напрамкамі EAAS;
– Больш шырокай тэмай emergence;
– Дадзенымі, сімуляцыямі, метадамі, пытаннямі або раннімі вынікамі даследаванняў;
– Новымі формамі публічнага досведу, дзе навука становіцца часткай мастацкай працы.

Арганізатары падкрэсліваюць, што шукаюць не проста ілюстрацыю навуковых ідэй, а амбітныя мастацкія працы, якія адкрываюць тэму emergence для супольнага разважання.

Прапануецца:
– Вытворчы бюджэт да 20 000 EUR на праект, уключаючы VAT;
– Дыялог з даследчыкамі(-цамі) EAAS;
– Падтрымка куратара EAAS Marijn Bril у камунікацыі паміж мастакамі(-чкамі) і навукоўцамі(-цамі);
– Пры магчымасці — доступ да офісных або сустрэчных прастор ва ўніверсітэтах;
– Прэм’ера завершанай працы на Emergence Festival у чэрвені 2027 года ў Амстэрдаме;
– Магчымае ўключэнне працы ў лічбавую адукацыйную і мастацкую базу EAAS;
– Патэнцыял далейшага паказу, паўторнага выкарыстання або падарожжа праекта пасля фестывалю.

Агульны бюджэт open call — 80 000 EUR.

Важна:
Заяўнікі(-цы) павінны паказаць сувязь з тэмай emergence і даследаваннямі EAAS, а таксама патлумачыць, як прапанаваны праект будзе працаваць для неспецыялізаванай аўдыторыі.

Падчас распрацоўкі заяўкі арганізатары заахвочваюць кантактаваць з даследчыкамі(-цамі) EAAS і пазначыць у прапанове, як гэты абмен паўплываў на ідэю праекта.

Ад адабраных удзельнікаў(-ц) чакаецца:
– Гатоўнасць развіваць праект у дыялогу з даследчыкамі(-цамі) і партнёрамі фестывалю;
– Удзел у сустрэчах з абнаўленнямі па развіцці праекта;
– Удзел у штогадовай сустрэчы EAAS у сакавіку 2027 года ў Nijmegen, дзе трэба будзе прадставіць статус праекта;
– Рэалістычны тэхнічны план для фестывальнай прэзентацыі;
– Улік бяспекі, часу на мантаж і дэмантаж, прасторавых і гукавых патрабаванняў.

Дэдлайн:
30 чэрвеня 2026

Арганізатары:
Emergence at All Scales / EAAS, The Science & Cocktails Foundation, Stichting Paradiso і NWA Route Kunst

Падача:
Праз анлайн-форму на сайце EAAS.
https://www.d-iep.org/artsciencefellowships