Для каго: мастакі(-чкі) любых напрамкаў і з розным прафесійным досведам.

Праграма пабудаваная вакол ідэі, што ў мастацтве не існуе адной правільнай формы. Удзельнікі(-цы) змогуць эксперыментаваць з рознымі матэрыяламі і падыходамі, даследаваць уласную інтуіцыю і шукаць новыя спосабы працы.

У межах рэзідэнцыі дрэва, камень, тэкст, перформанс, аб’ект і голас разглядаюцца не як асобныя фіксаваныя дысцыпліны, а як магчымыя мастацкія мовы.

Праграма прапануе аддаліцца ад гарадскога рытму, пераасэнсаваць сваю практыку і развіць форму, якая адчуваецца асабістай, жывой і актуальнай цяпер.

У праграме:

• Эксперыментальная праца з рознымі матэрыяламі і мастацкімі мовамі;
• Практыкаванні, звязаныя з целам і голасам;
• 4 варштаты пад кіраўніцтвам тэатральнага(-ай) рэжысёра(-кі);
• Праца ў абсталяваных майстэрнях;
• Гарадская экскурсія;
• Групавая выстава напрыканцы рэзідэнцыі.

Прапануецца:

• Пражыванне: месца ў агульным пакоі;
• Трохразовае харчаванне, кава і гарбата на працягу дня;
• Закрытыя і адкрытыя студыйныя прасторы;
• Галерэя;
• Абсталяваныя зоны і майстэрні для працы з дрэвам, каменем і металам;
• Матэрыялы для працы: дрэва, мармур і метал;
• Доступ да дзікай гліны;
• Удзел у фінальнай групавой выставе.