Прафесійная рэзідэнцыя для керамістаў і керамістак Throwing Shapes 2026 | Дублін, Ірландыя

Throwing Shapes у партнёрстве са Staycity прымае заяўкі на 3-месячную прафесійную рэзідэнцыю для керамістаў і керамістак. Праграма прадугледжвае поўны доступ да студыі і бясплатнае пражыванне ў цэнтры Дубліна.

Для каго: прафесійныя мастакі/-чкі ў галіне керамікі / ганчарства з пацверджаным досведам (мін. 3 гады незалежнай практыкі), з развітымі тэхнічнымі навыкамі, з правам легальна жыць і працаваць у Ірландыі на час рэзідэнцыі;

Калі: 1 чэрвеня - 31 жніўня 2026.

Прапануецца:

• 3 месяцы поўнага доступу да студыі (ганчарныя колы, печы, глазуры, абсталяванне)
• Пражыванне ў цэнтры горада (арэнда бясплатная, аплата камунальных паслуг — за ўдзельнік/цам)
• Магчымасць праводзіць майстар-класы
• Персанальная выстава па выніках рэзідэнцыі з куратарскай і маркетынгавай падтрымкай
• Ментарства (у тым ліку па сацыяльных сетках)
• Удзел у падзеях студыі і прафесійнай супольнасці.