Для каго: мастакі(-чкі) з краін праграмы Creative Europe, чыя практыка звязаная з тэмамі:

– Памяці і мемарыялізацыі;
– Ідэнтычнасці;
– Вайны і яе наступстваў;
– Міграцыі і вымушанага перамяшчэння;
– Архіваў і дакументальных практык;
– Сувязі паміж мінулым і сучаснасцю;
– Экалагічных і сацыяльных трансфармацый.

Прымаюцца праекты ў сферах візуальнага мастацтва, фатаграфіі, кіно і відэа, саўнд-арту, ілюстрацыі, графічнага сторытэлінгу, падкастаў, аўдыя- і міждысцыплінарных практык.

Структура праграмы:

Міжнароднае журы абярэ 15 удзельнікаў(-ц) для даследчых і адукацыйных праграм:

• Боснія і Герцагавіна — ліпень / жнівень 2026 года;
• Італія — кастрычнік 2026 года;
• Украіна — анлайн-праграма.

Праграма будзе ўключаць варштаты, дыскусіі, выезды на месцы, сустрэчы з мясцовымі супольнасцямі і даследчыкамі(-цамі), працу з архівамі і супольныя мастацкія даследаванні.

Пасля гэтага 6 мастакоў(-чак) будуць адабраныя для рэзідэнцый вясной 2027 года:

• Афлайн у Італіі і Босніі і Герцагавіне;
• Анлайн у межах праграмы, звязанай з Украінай.

Вынікі будуць прадстаўленыя на міжнародных выставах, публічных прэзентацыях і ў лічбавым архіве TRACE. Украінская выстава пройдзе ў бяспечнай лакацыі ў Львове.

Прапануецца:

• Пакрыццё дарогі, пражывання і харчавання падчас праграмных актыўнасцей у межах лімітаў Creative Europe;
• Доступ да архіваў, даследчыкаў(-ц) і мясцовых супольнасцей;
• Ментарская падтрымка і прафесійны абмен;
• Удзел у выставах і публічных праграмах;
• Прафесійная дакументацыя вынікаў.

Не прапануецца:

• Штодзённы ганарар мастака(-чкі) падчас рэзідэнцыі;
• Тэхнічнае абсталяванне для стварэння прац.

Важна:
У рэгламенце пазначаныя два розныя часы закрыцця формы: 18:00 і 00:00 па рымскім часе.