Title — BE
CHORNOBYL40 — віртуальная рэзідэнцыя і міжнародная выстава

Excerpt — BE
CHORNOBYL40 запрашае мастакоў(-чак), дызайнераў(-ак), даследчыкаў(-ц) і гібрыдных практыкаў(-ынь) з усяго свету на віртуальную рэзідэнцыю і ўдзел у міжнароднай выставе. Будуць адабраныя 40 удзельнікаў(-ц), з якіх 20 праектаў атрымаюць вытворчую падтрымку і будуць прадстаўлены ў 2027 годзе ў Мадрыдзе, Берліне, Тулузе і Кіеве.

Content — BE

Для каго:
Мастакі(-чкі), дызайнеры(-кі), даследчыкі(-цы), калектывы і міждысцыплінарныя практыкі(-ні) з усяго свету.

Узроставых абмежаванняў няма. Падавацца могуць як творцы на пачатку шляху, так і ўжо дасведчаныя аўтары(-кі).

Не абавязкова быць экспертам(-кай) па Чарнобылі. Важна мець моцную мастацкую пазіцыю, крытычную цікаўнасць і гатоўнасць працаваць з тэмай адказна.

Фармат:
CHORNOBYL40 — віртуальная рэзідэнцыя і міжнародная выстава, прысвечаная пераасэнсаванню Чарнобыля праз мастацтва, даследаванне, лічбавыя тэхналогіі і крытычнае мысленне.

Арганізатары разглядаюць Чарнобыль не толькі як трагедыю мінулага, але як складаную еўрапейскую тэму, звязаную з экалогіяй, ядзернай бяспекай, правамі чалавека, перамяшчэннем, памяццю, траўмай, дэзынфармацыяй і ўстойлівасцю.

Гэта не конкурс ілюстрацый. Шукаюць інтэрпрэтацыі, крытычныя пазіцыі і мастацкія выказванні, якія не эксплуатаваюць траўму і не ператвараюць Чарнобыль у відовішча страху.

Магчымыя тэмы і фарматы:
Экалогія, посткатастрофныя асяроддзі, дэзынфармацыя, правы чалавека, ядзерная бяспека, памяць, траўма, архівы, навука, Чарнобыль і ўкраінская незалежнасць, будучыня пасля катастрофы.

Падыходзяць лічбавае мастацтва, XR / VR / AR, AI-based art, аўдыявізуальныя і прасторавыя інсталяцыі, інтэрактыўныя працы, медыяарт, гукавыя і даследчыя фарматы.

Можна падаваць новыя ідэі або ўжо існуючыя працы, адаптаваныя да кантэксту CHORNOBYL40.

Праграма:
1. Віртуальная рэзідэнцыя
Верасень — кастрычнік 2026 года.
Фармат: анлайн, па аўторках, 14:00–18:00 CET. Агульная нагрузка — 30 гадзін, трэба наведаць мінімум 90% праграмы.

У праграме: лекцыі, сустрэчы з экспертамі(-камі), Concept Creation Hackathon, XR Concept Development Workshop, Mental Health & Eco-Anxiety Lab і ментарства.

Будуць адабраныя 40 удзельнікаў(-ц).

2. Адбор і вытворчасць
Напрыканцы рэзідэнцыі ўдзельнікі(-цы) прадставяць праекты праз відэа, дакументацыю і live pitch. З іх абяруць 20 праектаў для вытворчасці і выставы.

3. Міжнародныя выставы
У 2027 годзе адабраныя праекты будуць прадстаўлены ў Мадрыдзе, Берліне, Тулузе і Кіеве. Прысутнасць аўтараў(-ак) не абавязковая, але вітаецца.

Прапануецца:
Для 40 адабраных удзельнікаў(-ц):

– Удзел у віртуальнай рэзідэнцыі;
– Лекцыі, варштаты, лабараторыі і peer exchange;
– Ментарства з міжнароднымі прафесіяналамі(-камі);
– Доступ да еўрапейскай сеткі мастакоў(-чак), куратараў(-ак), даследчыкаў(-ц), тэхнолагаў(-інь) і інстытуцый.

Для 20 адабраных праектаў:

– 500 EUR вытворчай падтрымкі для цалкам лічбавых прац;
– 1 000 EUR вытворчай падтрымкі для інсталяцый з фізічнымі матэрыяламі;
– Удзел у міжнароднай touring exhibition.

Важна:
Падарожжа, пражыванне і транспартныя выдаткі не пакрываюцца. Заяўка бясплатная. Мова заяўкі і праграмы — англійская.

Праект павінен быць звязаны з Чарнобылем напрамую або ўскосна, мець лічбавы, медыйны, тэхналагічны, прасторавы, аўдыявізуальны або даследчы кампанент, улічваць экалагічную адказнасць і не эксплуатаваць траўму.

Тэрміны:
– Пачатак open call: 19 траўня 2026 года;
– Дэдлайн: 12 ліпеня 2026 года;
– Вынікі для 40 удзельнікаў(-ц): канец ліпеня 2026 года;
– Віртуальная рэзідэнцыя: верасень — кастрычнік 2026 года;
– Міжнародная выстава: 2027 год.

Дэдлайн:
12 ліпеня 2026 года

Падтрымка:
Праект суфінансуецца Еўрапейскім Саюзам.

Падача:
Праз Google Form.
https://chornobyl.eu/chornobyl40_opencall