Title — BE
Imaginarius 2027 — open call для праектаў у публічнай прасторы | Партугалія

Excerpt — BE
Imaginarius адкрыў міжнародны open call для мастацкіх праектаў, якія будуць уключаныя ў праграму фестывалю 2027 года ў Santa Maria da Feira, Партугалія. Прымаюцца праекты ў сферы тэатра, танца, музыкі, цырку, перформансу, інсталяцыі, новых медыя і міждысцыплінарных практык. Дэдлайн — 30 ліпеня 2026 года.

Content — BE

Для каго:
Мастакі(-чкі), калектывы, кампаніі і арганізацыі з Партугаліі і іншых краін, якія працуюць з мастацтвам у публічнай прасторы.

Open call арыентаваны на творцаў на розных этапах прафесійнага развіцця: emerging artists, early-career creators і праекты, якія ўжо знаходзяцца ў працэсе ўмацавання сваёй прысутнасці ў нацыянальным або міжнародным кантэксце.

Падавацца могуць праекты, якія ўжо мелі прэм’еру або знаходзяцца на прасунутым этапе распрацоўкі, калі яны маюць зразумелыя ўмовы для паказу ў кантэксце фестывалю.

Фармат:
Imaginarius — культурны праект муніцыпалітэта Santa Maria da Feira, прысвечаны мастацтву ў публічнай прасторы. Ён аб’ядноўвае міжнародны штогадовы фестываль і цэнтр стварэння.

Open call накіраваны на адбор да 18 праектаў для праграмы Imaginarius 2027 — фестывалю выканальніцкіх мастацтваў у публічнай прасторы.

Фестываль шукае працы з выразнай мастацкай пазіцыяй, сувяззю з гарадскім кантэкстам і здольнасцю ствараць жывы досвед для рознай аўдыторыі.

Што можна падаваць:
Прымаюцца праекты ў сферах:

– Тэатра;
– Танца;
– Музыкі;
– Цырку;
– Перформансу;
– Інтэрвенцыі ў публічную прастору;
– Інсталяцыі;
– Новых медыя;
– Міждысцыплінарных практык.

Асабліва цэняцца прапановы з перфарматыўным кампанентам.

Магчымыя розныя фарматы паказу: стацыянарныя, маршрутавыя, працяглыя або бесперапынныя працы, калі яны падыходзяць для публічнай прасторы.

Калі і дзе:
Фестываль пройдзе 20–22 траўня 2027 года ў Santa Maria da Feira, Партугалія.

Кожны адабраны праект будзе паказаны ад 3 да 5 разоў падчас фестывалю. Для гарадскіх інтэрвенцый і інсталяцый фармат паказу будзе ўзгадняцца асобна.

Удзельнікі(-цы) павінны быць даступныя для паказу праекта ў гэтыя даты.

Прапануецца:
Фестываль забяспечвае фінансавую падтрымку і ўмовы для паказу праектаў.

Ганарар / фінансавая падтрымка за паказ:
– 150 EUR на чалавека за кожны паказ падчас фестывалю;
– 200 EUR на чалавека за кожны праграмны дзень у выпадку інсталяцый.

Для разліку падтрымкі ўлічваюцца выканаўцы(-цы) на сцэне і адзін(-на) тэхнік(-іня) на праект.

Падтрымка дарогі:
– 150 EUR на чалавека — для праектаў з кантынентальнай Партугаліі;
– 400 EUR на чалавека — для праектаў з іншых еўрапейскіх тэрыторый, уключаючы Madeira і Azores, а таксама з Паўночнай Афрыкі;
– 1 200 EUR на чалавека — для праектаў з іншых краін.

Беларусь уваходзіць у спіс краін, для якіх прадугледжаная падтрымка дарогі 400 EUR на чалавека.

Таксама прапануецца:
– Пражыванне ў двухмесных нумарах;
– Харчаванне для мастацкай каманды;
– Трансфер з / у Porto Airport для ўдзельнікаў(-ц), якія прылятаюць самалётам;
– Тэхнічнае абсталяванне і прадзюсарская падтрымка ў межах магчымасцей фестывалю і пададзенага technical rider;
– Уключэнне ў камунікацыю фестывалю: друкаваныя матэрыялы, лічбавыя платформы, прэса;
– Доступ да прафесійнай праграмы Imaginarius PRO і базы ўдзельнікаў(-ц).

Аплата адбываецца пасля фестывалю адной сумай на праект — арганізацыі або асобе, якая падпісвае дамову ўдзелу.

Важна:
– Падчас фестывалю ўдзельнікі(-цы) не могуць збіраць данаты або іншыя прамыя ўнёскі ад публікі;
– У заяўцы трэба дакладна апісаць тэхнічныя патрабаванні і ўмовы паказу;
– У выпадку адбору значныя змены ў тэхнічных умовах або фармаце прэзентацыі не будуць магчымыя;
– Заяўкі прымаюцца толькі на партугальскай або англійскай мове;
– Разглядаюцца толькі поўныя заяўкі, пададзеныя да дэдлайну.

Дэдлайн:
30 ліпеня 2026

Арганізатар:
Imaginarius / Municipality of Santa Maria da Feira

Падача:
Праз анлайн-форму на сайце Imaginarius.
https://www.imaginarius.pt/en/international-open-call/