Праграма ўключае семінары і практычныя варкшопы, працу з мастацкімі метадамі, абмен досведам і стварэнне прасторы сустрэчы паміж супольнасцямі рознага культурнага паходжання.

Школа падзеленая на семінарскую і практычную часткі.

Для каго: мастакі(-чкі), перформеры(-кі), тэатральныя і культурніцкія творцы, даследчыкі(-цы), актывісты(-кі) і ўсе, хто працуе на скрыжаванні мастацтва і сацыяльных практык.

Тэмы:

• Тэатр і перфарматыўныя практыкі;
• Міграцыя і мабільнасць;
• Кліматычны крызіс і экалагічныя змены;
• Праца з мультыкультурнымі супольнасцямі;
• Сучасныя наратывы пра міграцыю, у тым ліку звязаныя са зменамі навакольнага асяроддзя;
• Мастацтва як прастора сустрэчы, супраціву і ўважлівасці.

Школа завершыцца супольным перфарматыўным шпацырам, які стане часткай спектакля Strefa WolnoSłowa «Będzie coraz cieplej». Спектакль працуе з тэмамі росту тэмператур, сацыяльных напружанняў, супраціву, дыскрымінацыі, уразлівасці і таго, як нашы дзеянні або бяздзеянне фармуюць рэальнасць.

Праграму вядуць:

• Mimi Sheller — даследчыца мабільнасці, дэканка The Global School у Worcester Polytechnic Institute;
• Pierluigi Musarò — прафесар Універсітэта Балонні, даследчык медыя, міграцыі, межаў і правоў чалавека;
• Przemysław Wielgosz — журналіст, галоўны рэдактар польскай версіі Le Monde diplomatique;
• Pendar Contro Vento — мастацкі калектыў з Балонні, які працуе з тэатрам, візуальным мастацтвам і сацыяльнымі практыкамі;
• Piotr Morawski — даследчык тэатра і перформансу, драматург, рэдактар Dialogu;
• Alicja Borkowska — сузаснавальніца Strefa WolnoSłowa, рэжысёрка і арганізатарка культурных праектаў;
• Natalia Lis — мастачка, якая працуе з перформансам, харэаграфіяй, кіно і аўдыявізуальнай інсталяцыяй;
• Pavel Tavares — бразільскі кінарэжысёр і аўдыявізуальны мастак;
• Łukasz Wójcicki — перфарматыўны мастак, харэограф і мастацкі даследчык.

Важна:

• Трэба мець магчымасць удзельнічаць ва ўсе дні праграмы;
• Патрэбнае валоданне польскай і англійскай мовамі.